| |
Hoe de Fryske Flage ûntstean
is: |
|
De sân pompeblêden hawwe te meitsjen mei de sân
Fryske seegewesten yn de Midsieuwen. Dit wienen de sân gewesten
lâns de kust fan Alkmaar oant Weser. Yn it gebied wat no
Fryslân omfet wienen dit Oostergo en Westergo.
De sân gewesten hiene in ferbûn sletten nei de grutske
oanfallen fan de Noarmannen. Elts jier fergaderen sy by de Upstalsbeam
(gerjochtsplak fan it ferbûn) by Aurich yn East-Fryslân.
Kinmerken fan de 'Noardseekultuer' wienen do al te finen yn wapens
en flagen fan de Sweedske en Deenske keningen. Mei blau doek,
skeane banen en reade of gouden figueren yn de foarm fan blêden
fan de giele plomp.
Yn it Frânske wapenboek komme ek al wapens foar fan de 'kening
fan Fryslân' mei pompeblêden en skeane banen, droegen
troch liuwen of loaihoarzen. Yn Westerlauwersk Fryslân wiene
it liuwen en yn West-Fryslân loaihoarzen (hokker noch hieltyd
in it wapen fan Noard-Hollân steane). It tilde doe noch
op fan de skeane banen en de pompeblêden.
Yn de sechstjinde ieu krige de flage fan Westerlauwersk Fryslân
trije banen en sân pompeblêden, wylst der yn Ommelannen
in 1577 foar trije skeane balken en âlve herten keazen waard
De flage fan Westerlauwersk Fryslân kaam yn 1830 ek op it
segel fan it Frysk Genoatskip en waard hieltyd mear as de Fryske
flage beskôge. De flage waard yn 1879 goedkard troch Deputearre
Steaten. Yn 1927 waard de flage foar it earst offisjeel brûkt.
Pas yn 1957 hat de flage in status en erkenning fan it Keninkryk
der Nederlannen. In kommisje fan it Genealogysk Wurkferbân
fan de Fryske Akademy hat de skiednis fan de flage ûndersocht
en is mei in rapport kaam. Dit waard troch de Provinsjale Steaten
feststeld en troch Keninginne Juliana befêstige.
|
|
Boarne: LC. 09-02-2000,
rubryk "Help!" fan Teake Zijlstra (Fertaling: FryskeSide.nl
novimber 2000) |
|
.
